Catholic Nisim Lungdamna Laisiangtho. Innkuan Siangtho Pawini. Na.28.12.2025 (Sun)

Matthew 2:13-15.19-23

13. Tu-in amaute a ciah khit phetun Topa’ vantung mi khat Joseph’ mang sungah hong kilang a, “Tho in, naungek le a nu la inla, Egypt ah taipih in, thu ka hong hilh kik matengin tua lai-ah va om un; bang hang hiam cih leh Herod in naungek thah dingin a zong ding hita hi,” a ci hi.
14. Tua ciangin Joseph tho a, tua zan mahin naungek le a nu la-in, Egypt ah taipih a,
15. Herod a sih matengin tua lai-ah a om uh hi. Hih in, “Egypt panin ka tapa ka samkhia hi,” ci-a Topa in kamsangpa’ tungtawn a a genthu a tangtunna ahi hi.
16. Herod a sih khit ciangin Topa’ vantung mi khat Egypt gam a om Joseph’ mang sungah thakhat thu-in hong kilang a,
17. “Tho in, naupang le a nu la inla, Israel gamah ciahpih in, bang hang hiam cih leh naupang thah dinga a zongte si khin ta uh hi,” a ci hi.
18. Tua ahih manin Joseph tho a, naupang le a nu la-in, Israel gamah a ciahpih hi.
19. Ahi zongin Archelaus in a pa Herod’ za luahin Judea gam a uk hi, cih thu a zak ciangin tua gamah a pai ngam kei hi. Tua ciangin a mang sungah a kihilh khit ciangin, Galilee gamah pai-in,
20. Nazareth a kicihna khua ah a teeng uh hi. Hih bangin: “Amah Nazareth mi kici ding hi,” ci-a kamsangte’ tungtawn a a kigenna thu a tangtung ahi hi.

Hi in Topa’ Lungdamna Laisiangtho ahi hi.