EPIPHANY (Topa Jesu Hong Kilahna) Mipil Thum Te Pawini (4.1.2026)
Pawlpi Tangthu sungah hih pawi ni-in Inn Thipha Piakna ki nei den hi. Inn thupha piak khit ciangin inn kong (bangkua) tung ah mite muh theih dingin hih a nuai aa lim sunga laimal te kigelh hi.
20 + C + M + B + 26
Hih laimal tengin bang deihna hiam cih leh C- Caspar, M – Melchoir, B- Balthazar cih na hi-in hi teng pen Mipil thum te min a hi uh hi. 20 + 26 pen kum 2026 cihna hi-in Singlamteh + pen Topa Jesu cihna ahi hi.
A khiatna in “May Christ Bless the Home” ci-in Topa Jesu in hih inn thupha hongpia ta hen. Hih inn sungah Topa Jesu leh Mipil thum te tu kum sjngin hong teng den hi cih lim lahna ahi hi.
Tua bangin Christian masa te in Kumthak sung Epiphany pawi ni ta in Inn thupha piakna nei den uh hi.
Eite in zong inn thupha ih piak ciangin hi bangin a kum kum in ciaptehna ki nei thei hi cih thu manpha a ki hawm sawn ih hi hi.
Hi bangi Inn kongpi bang kua tungah captehna pen a diak diak in a khangto na mun Europe gam te ah ki zang pha diak hi.
