Catholic thuzuite theihhuai thu te
Bang hangin Pasian in leitung piangsak/bawl ahi hiam?
Pawlpi adingin Pasian in leitung piangsak/bawl hi.
Eden huan ah mawhna a lutcil pekin Pasian’ lungtang sungah Pawlpi om khin hi.
Ama piansak nate khempeuhin Pawlpi ading mun khat ahi hi.
Tua ahih manin Pawlpi in vantung panin vanliatna lampi tawh hong tung ahi hi.
Pasian in ama mite thunget/ kikhop theih nading in Biakinn ah Siangtho Pumpi in hong om hi.
Eite adingin Pasian in Biakpiakna thupha sungah a si le a sa tawh ama pawlpi hong lam hi.
Catholic Biakinn
Tuni, eite ii Catholic Pawlpi in Pasian inn in a kiphuan Topa Jesu ii pumpi hi.
Tua ahih manin Pasian in eite ii Pa ahih le Pasian innpi in eite’ inn hi.
Biakinn lamhna in ih biakna sungah ih thahatna lim khat ahi hi.
Biakinn in eite sungah Pasian om tawntung hi cih akimu thei lahna hi.
Eite in pawlpi sungah ih om ciangin Pasian mai, mun thupi ah a tung ih hi hi.
Biakinn khumin mawhnate a khuh nasem khat ahi hi.
Biakinn sual in mihingte i upna le kiniamkhiatna lahna/tang hi.
Pawlpi sungah Siadawte, Siampite in siavuante lim/tang hi.
Pawlpi in Noah tembaw tang/lahna hi.
Pawlpi’ masuatna in vantung aom Jerusalem khuapi tang/lahna hi.
Lu kun na (Bowing)
Lu kunna in Pasian tungah kisikkikna tawh naihna, zahtakna tawh biakna lim lahna hi. (GIRM no.49)
Paak Namtui (Incense)
Lawban paak namtui in Pasian tungah biakapna, thuzuite thungetna te Pasian kiangah kahtohna, zahtak piakna, siangthona te lim lahna hi. (GIRM no.75)
Khukdinna (Kneeling)
Khukdinna in kiniamkhiatna tawh Pasian vangliatna sangin zahtakna tawh biakna, ih mawhnate adingin dahna, kisikkikna lim lahna hi. (Dictionary of Liturgy p-512)
