Feastday of St. Don Bosco (31.1.2026)
Tuni St. Don Bosco te Pawini Msgr. John Deng Cin Khup makaihna tawh Missa Biakpiakna zingsang nai (8:30) in ki pan hi. Miaa Biakpiakna sungah Msgr. John Khuppu in Happy Feastday ci-in Salesian Don Bosco Siampite leh Sangnaupangte a nohset khitteh Rev. Fr. Camillus Suan leh Rev. Fr. Andrew Grottu te ii makaih siamna hang tawh Sangnaupang mi hizawh ta in pilna a sin thei uh hi ci-in Siampite tungah lungdamna thu pulaak mf for çx̌x̌x̌x̌x̌x̌asa hi.
Tua khitteh Sangnaupangte tungah Don Bosco in hi bangin Congregation Sang a phuhkhiat manin note in hih sangah pilna a sin thei na hihna thu uh phawk unla lungdamko un ci-in sangnaupangte tungah hanthotna pia hi.
Tua banah Bon Bosco pen a neu lai-in mizawng khat hi-in amah in ama thuak haksatna te naupangte leh khangnote thuaksak nuamlo ahih manin Naupangte leh Khangnote pattahna sang a phuan khia a hihna thu te aa kipan Don Bosco ii tangthu te etteh theih dingin gen khiatna nei hi.
Tua te sung pan Don Bosco ii kammal te ahi “Midangte ii it ding na ut leh nang leh nang ki-it masa in. Ei leh ei ki muan na leh itna a om kei leh pilna taktak kisin theilo hi. Tuni in nasep theih ding khat zing ciang sem pan ning ci-in sem nailo in om kei in. Tu ni-in na sep ding teng tu ni mahin sem pah in.” cih te bulphuhin a etteh huai thu manpha tampi gen khiatna nei hi.
Missa Biakpiakna a man khit cingin lenkhopna, lasakna, lamna leh thugenna hun nuam khat ki bawl lai hi. Tua sungah Rev. Fr. Camillus Suan in Salesian te ii tuk um 2026 aa dingin a thu bulphuh ahi (Jn 2:1-12) na sunga Cana mopawi ah Tonu Maria in tua mopawi aa nasem te kiangah “Ama hongsawl bangbang na sem un” ci-in Tonu Maria in a Tapa Topa Jesu in tui lenggahzu in a kikhelsak na ding thu tawh kisai-in a gen kholhna thu te bulphuhin (look, listen, act) en ding, thu ngaiphot ding leh khensatna tawh sem ding cih nam thum bulphuhin Sangnaupangte pantah ahih na thute gen hi.
Tua banah leitung bup ah Salesian te kipawlna Sang pen gam 140 sungah om in tua kipawlna sangte panin mi tampitak in phattuamna ngah ahihna thu te leh tu laitak in hih Kalaymyo Salesian Don Bosco Sangah Sangnaupang 365 pha in mai kum ciang aa ding min a pia khin mi 500 pha khin ahih manin a thak kua mah kisang zo nawnlo ding hi ci-in Sang kah ding Sangnaupang te tawh kisai gen khiatna nei hi.
A tawpna ah Siampite, Nungak Siangtho te, Sya/ Syama te tungah note kong sapna pen hih Sang naupangte a hong pattah dingin a hong zawn ka hi hi ei teng ih ki pawl khop cing bekin naupang te limtak in ki pantah zo pan ding hi. Hongpai mimal khat kim ciat tungah lungdam hi ci-in lungdam kohna a gen khitteh Sunan nekna tawh hun te ki man siang hi.
Tu ni hih Pawipi ah Siampi (7), Nungak Siangtho te leh a pua lam pan pawisim in a pai te aa ki pan Bosco Sangnaupang mi (350) te tawh a ki gawm mi vekpi zanfa (500) kim ki pha thei ding hi.
