The 15th Anniversary of KMSS Kalay (3.2.2026)

Kalay Diocese mintawh cimawh huhna piakna Zumpi KMSS-Kalay a kihon zawh kum (15) cinna pawi pi Missa Biakpiakna pen Kalay Diocese hongcing hong kem His Excellency Bishop Felix Lian Khen Thang makaihna tawh tuni zingsang nai (8:00) in Assumption Intermediate Seminary, Kalay ah noptak in kibawl hi.

Missa Biakpiakna sungah Siampilian pa in KMSS-Kalay ii thupitna, Mizawng te tungah huhna piakna pen Pasian deihna a hihna thu te leh Leitungbuppi ah Nu Catholic Pawlpi in mizawngte, mi cimawh te tungah kua pawl kua pawl cih omlo in huhna a piakna thu te leh ih Pawlpi pen mizawng te tawh innkuan khat ih hih na thu te gen in hi bangin huhna a pia khia thuzuite leh huhna piakna zum KMSS- Kalay ah asem te tungah zong lungdamkohna nei hi.

Missa Biakpiakna a man khit the lenkhopna, lasakna leh lamna te zong noptakin ki bawl hi. Tua khitteh KMSS-Kalay te nasepna teng kum 15 sung sumzatzah, mi bangzahin phat tuamna ngah, bangteng kisem cih thu tawh kisai teng Sia Elis in kician takin gen hi.

A tawpna ah KMSS-Kalay Director Rev. Fr. Andrew Go Khan Nang in Siampilianpa tung, Siampite tung leh hih pawisungah a kihel mimal khat kim tung a hizongin KMSS-Kalay ah zum nasem mimal khat kim ciat tungah Lungdamkohna nei hi. Tua khitteh Pawi aa dingin a gawh uh a hi Sial ii a phei khat Siampilianpa tungah letsong in pia uh hi.

Hih Pawi ah Siampi (25) leh mipi vekpi gawm (300) kim pha in hun man ciang Pawisim mimal khat kim ciat tungah pawi puan khattek a piak khit uh teh nuamtak in sun-an nek na nei uh hi.