Catholic Nisim Lungdamna Laisiangtho.Hun Nautaang Nipi Kaal (5) Na.9.2.2026 (Mon)
Mark 6: 53-56
- Amaute tui gal khatah a kah khit uh ciangin, Gennesaret gamah tung uh a, gunkuang tui gei-ah a khawlsak uh hi.
- Gunkuang tung pan a tuah ciangun, mipite in Jesu ahih lam a thei pah uh hi.
- Mipite tua gam khempeuh ah tai kawikawi uh a, cinate phek tawh zawngin, amah om hi, ci-a a zakna peuhpeuh uh ah a paipih uh hi.
- Khuapite khuaneute le gam sung khuate ahi zongin ama paina peuhpeuh ah cinate paipih uh a, sumzuakna munte ah a na koih uh hi. Ama puantualpi mongteep ciang beek a lawnsak theihna dingin thum uh a, amah a lawngte khempeuh in cidamna a ngah uh hi.
Hi in Topa’ Lungdamna Laisiangtho ahi hi.
