Catholic Nisim Lungdamna Laisiangtho.Vut Siangtho Nipi Kaal. 21.2.2026 (Sat)

Luke 5: 27-32

27. Tua khit ciangin Jesu paikhia a, Levi kici siahdongpa siahdonna zum inn ah tu-in a om a mu hi. Jesu in ama kiangah, “Ka nung hong zui in,” a cih ciangin,
28. amah dingin a neihsa khempeuh nusia-in a nung a zui hi.
29. Tua khit ciangin Levi in Jesu aadingin an nekkhawm pawi lianpi khat a inn ah a bawlsak hi. Tua lai-ah amaute tawh an ne-in a tu khawm siahdongte le midang tampite zong a om uh hi.
30. Pharisee-te le lai siangtho siamte in a nungzuipite’ kiangah,“Note in bang hangin siahdongte le mawhneite tawh an ne khawm tui dawn khawm na hi uh hiam?” ci-in a phunsan uh hi.
31. Jesu in, “Cidamte in siavuan kisam lo uh a, cinate bek in a kisam uh hi.
32. Midikte a sam dingin hong pai ka hi kei a, mawhneite a kisikkikna dingun hong pai ka hi hi,” a ci hi.

Hi in Topa’ Lungdamna Laisiangtho ahi hi.