IH OMNA LEITUNG KEPSIAMNI.
Galkidona hangin leitungah siatna tampi piang hi. A diakdiakin thavui thautang akhu te in nisiala i dik huih pen ninsak mahmah hi. Tua huihnin panin natna tampi kingah hi. Khat le khat galkidona pan a lot uh thau vui thautangte pawl khat ရေနံ khuk ah kia in kanga, huihnin hangin tungsunni zong a tang ding zah tangzolo liangin om hi. Tua thamloin nisiala idawn tuite zong ninsak mahmah hi. ရေနံ khukte kitamin, Tuipi, tuikulh sungah luangkhiain ninsak ahih manin, Vasate, Ngasate, simzawh lohin si hi.
Galkidona hangin singkung lopa tampi zong kangtum hi. Huaihamna lungsim nei in, ih muhnate neu lua mahmah ahih manin, siatna i sila i suak hi.
Sigmard Gahn in a gen in ah, “Vantungpan leitung ka etsuk leh leitungin nakpi takin et lawm mahmah a, ahih hangin thupiang teng hangin leitungin nakpi takin sia mahmah hi ci hi. Tua ahih ciangin ei mihingte in khangthakte adingin leitung pen hoihtaka ih kepsiam ding ki sam sa mahmah ing” ci hi.
Sigmard Gahn hong gen kammalte hoihtak a ih kepsiam ding kisam hi. Huihnin, tuinin, aging thei nate pan anin, gamtat hoihlohna pan hong piangkhia aninsak thei nate, i lungsimninte, ih ki khel zawh nading hanciam huai kasa mahmah hi. Hih ahoihlo nate ni khat sang Nikhat atawm theih nadingin hanciamni.
Koi ci bangin hih ding
Ni khat sang Nikhat atawm theih nadingin koici bangin hih ding ihi hiam cihle, zateplo ding, kunza na khai ciangin na cil thangsiat lo ding, na kiim na paam siangtho sak ding, gamlum lo ding, na vaksuk, na vaktohna ah datsi atawm bei theih nadingin vai thupi ahih kei buang ale vaklo ding, lamkiim lampaam ah ninte mawkpaih loding, nisa le huih pana akizangh thei te zangin, ansing, datsi, meiholte thangzat lua kei in.
Akisam lopi in singkungte mawkphuk kei in. Pangka, meite na zat nawnloh ciangin khakin. Luituiluang, hawktui luangna, Ngakhawina tuite siangsak denin. Gamsate man kei in. Tui, datsi khute zatdan siamin, abuak loh nadingin kidawm in.
Aging thei tumtheihte, late, veng le paam bengngongsak, nawngkaaisak liangin hong kei in. Kiim le paam, veng le paam tawh na om lam ki thei, kiphawk in. Hih thu te, na innkuanpih, na lawm na gualte, na veng na paam te in zong a theih siam nadingin gen huai hi.
Thomas Berry in “Ei mahmahin kicinna i nei kei zongin i Tate pilna dingin sangkahsakna bek thamlo, huihsiangtho leitung, asiangtho tui le singgah theipuam tawh akidim leitang ih pia nuam hi. Tua ahih manin amaute leitungi amanphatna, hoihtaka kepsiam nading, hilh huai thu te zong theihsak ding/ hilh ding thupi hi” ci hi.
Tanglai mipilte in a gen inah,
Vantung i kilemna, Van lai i kilemna, Tuipi i kilemna, Pasian i kilemna, Vantung leitung kilemna, Kilemna i kilemna, hi kilemnate eite tungah hong tung tahen.
