Misiangtho Roderick Pawini.(March – 13)

Misiangtho Roderick in kumzalom (9) hunin Spain gamah suak hi. Roderick in Siampi khat ahih hangin a u nihte in khat Muslem hi-in, khat lawki ahi hi.
Nikhat, autenih kam kinial uh ahih manin Roderick in phelh dingin ahanciam ciangin a ute hehna ama tungah tu a, a u khat kiheiin beng suk ahih manin Roderick sibup liang hi. Tua hun pen Muslem te in Christiante a bawlsiat mahmah hun ahi hi.
Tua ciangin Muslem a um aupa in amah lampi lai ah kaaitaalin ka nau Fr. Roderick in Muslem pawlpi ah hong lut ta hi ci-in kiko in thuneite kiangah gen hi. Fr. Roderick in khua aphawk kik ciangin Catholic upna ka nusia zo kei ding hi ci-in thuneite gen hi.
Tua bangin Pawlpi sungah a cihtakna hangin thuneite in Fr. Roderick pen Sharia akici thukhun apaltat khatin mawhsakin thong sungah khum uh hi. Tua thong sungah Fr. Roderick mah bangin thukhun paltat hi cih mawksakna tawh thongkia Salomon cih mikhat na om hi. Amautenih in kum sawtpi thong sungah a omkhit uh ciangin AD 857 kumin, Cordoba, Spain ah upna hangin thahna thuak uh hi.
Misiangtho Roderick aw…kote adingin thu hong ngetsak tan.