Monthly Recollection of Priests of Kalay Zone (9.11.2024)

Tuni Kalay Zone aa om Siampite in khasim in a bawl uh Pasian thu lungngaihna pen Kalaymyo, Siadaw huangah Nov 9, ni-in bawl uh hi.
Hih Pasian thu lungngsihna pen Rev. Fr. Joseph Pau Lian Kham (Youth Director) in hong makaih hi.
A mah in “When Things Go Wrong” cih laibu sung pan a simkhak Siampite Nuntakna tawh kituak a sak teng hong hawm sawn hi.
A diakdiak in Siampi khat in haksatna ih tuah khak leh Siampi ih hih manin a tuak hi lo in Mihing ih hih manin a tuak hi zaw hi hang cih phawk theih na ding leh haksatna khat peuhpeuh ih tuah ciangin ei bek a tuak hilo in ei aa sang, a hamsazaw mi tampitakin na tuak khin hi cih thu phawkin thuaksiam ding a kisapna thu te hong gen in tha kingah mahmah hi.
Tua khitteh Pasian thu lungngaihna, Mawhsutna leh khikhin na te a ngeina bangin ki bawlsuak hi.
Hun man ciangin Rev. Fr. Maximian Pau Sian Mung (Chancellor) in Lungdam kohna leh maikha ciang a ding gelkholhna teng hong genkhia hi.
Msgr. John Deng Cin Khup (Vicar General) in Bro. Gabriel Lianta tawh kisai-in Seminary Commission teng ii thu kikupna leh khensatna tawh kizui-in November 27 ni ciangin St. Mary Cathedral ah Deacon Ordination pia ding cih thu hong gen hi.
Rev. Fr. Raphael Suang Cin Khup (Procurator) in Bangkok a paina tawh kisai in a theihhuai thu te hong gen hi.
Rev. Fr. Paulinus Thang Muan Lian (Rector) in a mah tawh Siampi (18) te ii Siampi Suahzawh kum (15) cin lungdamkohna Missa Biakpiakna pen Assumption Intermediate Seminary ah Nov 15, 2024 ni ki bawl ding a hih manin hong pai in thu hong ngetsak un ci-in sapna nei hi.
A tawpna ah Rev. Fr. Joseph Pau Lian Kham (Head of Health Commission) in tu kum sung Health Commission mintawh Sisan a kisam te Thawl (300) val kihawmkhia khin a hihna thu leh mailamah Commission min tawh ki zomzo nawnlo ding a hih manin Parish tek pan Sisan hopna neih ding kisam hi ci-in Parish Priest te thapiakna nei hi.
Sun 12:00 ciangin Midday Prayer leh Angelus thungetna tawh hun ki mansak hi.