Catholic Nisim Lungdamna Laisiangtho. Hun Nautaang Kaal (1) Na. 13.1.2025 (Mon)
Mark 1:14-20
- John a kimat khit ciangin Jesu Galilee gamah hong pai a, Pasian’ lungdamna thu tangko-in a hilhin ah,
- “A hun hong tung ta hi. Pasian’ Gam hong tung dek ta hi. Kisikkik unla, lungdamna thu um un,” a ci hi.
- Galilee tuipi dungah Jesu a pai laitakin, ngabeng mi ahi Simon le a sanggampa Andrew-te in tui sungah ngeen a khuh laitak uh a mu hi.
- Jesu in amaute’ kiangah, “Ka nung hong zui un. Keimah in note mi a mante kong suaksak ding hi,” a ci hi.
- Amaute in zong thakhatin a ngeen uh nusia-in Jesu’ nung a zui pah uh hi.
- Tua panin tawmkha a pai khit ciangin, Zebedee’ tapa James le a sanggampa John zong gunkuang sungah ngeen khui-a om a mu hi.
- Amah in amaute sam pah a, amaute in a pa uh Zebedee le a thacialte gunkuang sungah nusia-in ama nung a zui uh hi.
Hi in Topa’ Lungdamna Laisiangtho ahi hi.
