Catholic Nisim Lungdamna Laisiangtho. Hun Nautaang Kaal (2) Na. 19.1.2025 (Sun)

John 2:1-11

1. A ni thum ni-in Galilee gam Cana(a) khuapi ah mopawi khat om a, tua lai-ah Jesu’ nu zong a om hi.
2. Jesu le a nungzuipite zong tua mopawi sim dingin kisam hi.
3. Leenggahzu a bei ciangin a nu in Jesu’ kiangah, “Amaute in leenggahzu a nei nawn kei uh hi,” ci-in a ko hi.
4. Jesu in ama kiangah, “Numei(b) aw, kei tawh bang kisai ahi hiam? Ka hun tung nai lo hi,” a ci hi.
5. A nu in a nasemte’ kiangah, “Ama hong sawl bangbang na hih un,” ci-in a vaikhak hi.
6. Tua lai-ah Jew mite’ biakna ngeina bangin kisil a, kisiansakna dinga a zat uh gallon sawmnih pan sawmthum bang a ta suang thambeel guk a om hi.
7. Jesu in amaute’ kiangah, “Hih thambeelte’ sungah tui na dimsak un,” ci-in nasemte a sawl hi.
8. Tuate in tui a dimsitsetin a dim uh hi. Tua khit ciangin amah in amaute’ kiangah, “Tu-in tawm suakkhia unla, pawi ukpa’ kiangah va paipih un,” a ci hi.
9. Pawi ukpa in tui, leenggahzu a kisuaksak pen a ciam hi. Tui a dim nasemte in a theih uh hangin amah in leenggahzu koi pana kingah cih thei lo hi.
10. Tua ciangin mopa sam a, “Mi khempeuh in leenggahzu a lim pente hawm masa a, lenglate in a kham khit ciangin a lim lote a hawm uh hi. Nang na hih leh tu dong a lim pente na sit lai hi,” a ci hi.
11. Jesu in a masa pen hih na lamdang Galilee gam Cana khuapi ah a bawl hi. Ama minthanna kilangkhiasak a, a nungzuite in zong amah a um uh hi.

Hi in Topa’ Lungdamna Laisiangtho ahi hi.