Congratulations! Bishop John Mung Ngawn La Sam (MF), New Bishop of Myitkyina Diocese (12.1.2025)

Nung nipini (12.1.2025) ni-in Myitgyina Diocese ah Siampilian (Siadaw) suahna pawi nasia takin kibawl thei ahih manin ih Biak Topa Pasian tungah lungdam hi.
Hih Siampilian suahna pawi ah ei Kalay Diocese pan Siadawpa, Fr. Robert Hau, Fr. Dominic Palang, Fr. Thomas Tuang, Fr. Martin Dal Do len Fr. Isaiah Thangno te zong kihel thei-in lungdam huai mahmah hi.
Myitkyina Diocese te in CBCM pan a pai Siadawte Vanleng tualpi panin nasia takin dawnna nei-in a ngeina puan leh vanzat thupite zong letsongin pia uh hi.
Hih Siadaw thakpa pen tan (8) a ong khitteh Sang tawpin Sum thalawhin nasem a hanciam mahmah khat ahi hi. A mah pen Pasian thu hahkat khat zong ahih manin a sumbawlna zong pan tuahpha in sumlepaai zong a hoih khomkhat a neih ciangin ama thalawhsa sum tawh Christian te aa dingin a minthang mahmah mun ahi HOLY LAND ah va pai hi.
HOLY LAND a pai khit ciangin RCM pawlpi thupitna tel semsem ahih manin Siampi Suahnopna lungsim nei a hih manin Siampite khat tawh a va kimuh leh tan (10) na on lohin Siampi suak theilo ding ci a hih manin a man zong a sumzon nasep khawlin sang kah kipan kikin Siampi sinna sang Seminary ah lutin lai nakpitakin a hanciam khat ahi hi.
Tua panin Sang lai te leh Siampi suah nang a kisam a sin ding thu teng a sin khitteh (MF) ah Siampi khat a suak ahi hi.
A mah pen Siampi suak hak ahih manin tu-in Siampi a suahzawh kum (10) pha pan hi mah ta leh ama piankum tawh hi leh kum (52) pha ta hi.
Tu-in Myitkyina Diocese acing akem dingin Siampilian suahnaza ngah a hih manin ama nasepna te a tangzai semsem nangin thu ngetsak ciat ni.

Photo creditted: RVA Kachin