Misiangtho Richard Pawini. (February – 7)
Misiangtho Richard in England gam, Wessex ah suak hi. Richard a neu tungin a nu leh pa in sihsan ahih manin a nu leh pa neih leh lamh khempeuh a upa in luahin Richard ahih leh a upa lo ah na semin om hi.
Anung lam ciangin amah zong ama tan ding lamh te luah ding hun a ngah hangin amahin tua neih leh lamh te luah lo-in nusia hi. Richard in Pawlpi thu lunglut takin a kan den mikhat ahi hi. Aman tapa thum nei hi.
Khat vei, kum (3) apha a tapa Willibald nasia takin a ci hong na hi. Tua ciangin Richard in a tapa pen zanpuan silh sakin singlamteh nuai ah a va koih leh a tapa dam kik hi. Tua a tapa Willibald in a liat ciangin Siadaw khat suak hi.
Richard zong a nunglam ciangin Siampi nuntakna teelin Siadaw khat hong suak hi. Siadaw a suah khit ciangin mission nasepte hanciam takin sem hi. AD 720 kumin a tapa te tawh Holy Land ah a paina uh lam kal pan Richard si hi.
Misiangtho Richard te innkuan in a vekpi un Misiangtho suak uh hi. A tapa te ahi, St. Willibald, St. Winnibald, St. Walpurga cih bangin Misiangtho te ahih uh banah Richard ii a makpa Boniface zong Misiangtho khat mah ahi hi.
Misiangtho Richard aw…Kote adingin thu hong ngetsak in.
