Luke 9:22-25

“Mihing’ Tapa in gimna lianpi thuak dinga, upate, siampi makaite le lai siangtho siamte in amah nialin, that ding uh a, a ni thum ni-in a thokik ding hi,” a ci hi.

Tua khit ciangin amah in, “Mi khatpeuh in ka nung hong zuih nop leh amah le amah kinial dinga nisimin ama singlamteh pua-in ka nung hong zui ta hen.

Bang hang hiam cih leh, a nuntakna a gum nuamte in a nuntakna a tan ding uh hi. Kei hanga a nuntakna a suplawhte in nuntakna a ngah ding uh hi.

Mi khatpeuh in leitung buppi a uk hangin, ama kha mansuah leh, bang phattuamna ngah ding ahi hiam?

Hi in Topa’ Lungdamna Laisiangtho ahi hi.