Mary Mother of Tenderness

Hih Hehpihna Anei Tonu Lim pen Alianbel Siampipa Pope Francis ii thupha piak hi-in Piantit te EDM aa na a sem Mss. Anne Monmoton (EDM) in Ei Kawlgam ah hongpua in Diocese khat ah kha thum ta hong koih ding hi.
Thungetna te pen Mangkam in a ki- gelh hi-in Kawlkam leh Zokam tawh RVA pan ka lekkik uh hi-in lim te a tawpna ah a lai om ding hi. Tua te sim in thu ngen leng mizawngte ii phattuamna a ngah na ding ngimnatawh Pope in Jubilee kum aa dingin a hong bawlsak a hih manin thupha kingah phadiak ding hi.
Hih Tonu Lim pen Kawlpi Siadaw Huangah nipi khat kikoih in tua pan mun tuamtuam ah ki koih thei hi.
Tu laitak pen St. Joseph Sister te Sang MyittharAyeik ah kikoih in tua mun ah zahtak piakna ki nei thei hi.
Kha thum a cin ma in Parish Mun tuamtuam ah ki pua kawi kawi thei hi.
Kha thum a cin ciang ei Diocese pan mun dang ah ki pua ding hi. A hun omlai hih Hehpihna a nei Tonu lim belin Jubilee Thupha sang ciat ni.