Thuhilhsia Thak Kineihak Nawnlo Ding (19.3.2025)
Patein Diocese, Myaungmya Myo Thuhilhsia Sinna Sangpi pan Kum nih sung sin ding teng a sin khituh teh tintan manin in a hongciah Thuhilhsia a sin teng tuni zingsangin Kalaymyo Siadaw Huang hong tungin Siadawpa tawh kimuhkhopna nei uh hi.
Ei Kalay Diocese pan tintan a man mi (11) pha uh hi. Amaute pen Kanmahgyi pan (1), Laitui (1), Lailui (2), Tonzang (1), Cikha (1), Mualbem (3), Khampat (1) leh
Tuithang (1) cih bangin Parish tuamtuam pan ahi uh hi.
Hih Thuhilhsia sinna sang pan tintan a man khin sa te pen amaute omna Parish Priest te in kisam a sak bangin a parish sung uh ah zang thei ding ahih manin lungdam huai mahmah hi.
Amaute in amaban ciah uh ah Pasian deihna bangin na asep theih nangun thu ngetsak ciat ni.
