Catholic Nisim Lungdamna Laisiangtho. Easter Nipi Kaal (2) Na. 29.4.2025 (Tue)

John 3:7-15

7. Note tunglam pan na suakkik ding uh hi, kong cih ciangin lamdang na sa kei un.
8. Huih in ama utna peuh ah a nung hi. Huih ging na zak hangin koi pan hong pai a, koi ah pai ding cih na thei kei hi. Kha Siangtho tawh a suakte peuhmah tua bang ahi uh hi,” a ci hi.
9. Nicodemus in, “Hih thu bangci pian theih ding ahi hiam?” ci-in a dong hi.
10. Jesu in ama kiangah, “Nangmah in Israel mite’ lakah sia khat hi napi-in, hih thute thei lo na hi hiam?
11. Ken a man takpi kong genin ah, kote in ka theih uh ka gen uh a, ka muhsa uh teci ka pang uh hi. Ahi zongin kote’ teci panna na sang kei uh hi.
12. Note’ kiangah leitung nate thu ka gen hangin na um kei uh hi. Tua ahih leh vantung nate thu ka gen hangin bangci up theih ding na hi uh hiam?
13. Vantung pana hong kumsuk Mihing’ Tapa longal vantung ah kuamah kah ngei lo hi.
14. “Moses in gamlak ah gul a khai bangin Mihing’ Tapa a kikhai ding hi.
15. Tua ahih manin amah a um mi peuhmah in nuntak tawntungna a ngah ding hi.

Hi in Topa’ Lungdamna Laisiangtho ahi hi.