Catholic Nisim Lungdamna Laisiangtho.A Siangthopen Jesu Si le Sa Pawini.22.6.2025 (Sun)

Luke 9:11-17

11. Mihonpite in tua thu a theih uh ciangin amah a zui uh hi; Jesu in amaute na muakin, Pasian’ gam thu hilh a, a cidam lote a damsak hi.
12. Ni a tum dektak ciangin, sawm le nihte in ama kiangah va pai uh a, “Khuaneu khuatate ah pai-in a nek ding uh le a zintunna ding uh a zon theihna dingun mihonpite sawlkhia in. Bang hang hiam cih leh, hih lai mun in gamlak ahi hi,” a ci uh hi.
13. Ahi zongin Jesu in amaute’ kiangah, “Amau nek ding an note in bang khatpeuh pia un,” a ci hi. Amaute in, “Kote pai-in hih mi khempeuh aading an ka lei kei uh leh, khomun nga le ngasa nih bek ka nei uh hi,” a ci uh hi.
14. Bang hang hiam cih leh tua munah pasal bek tul nga bang a om uh hi. Amah in, “Amaute pawlkhat sawm nga ta-in, a pawl pawlin tusak un,” ci-in a nungzuipite thu a pia hi.
15. Nungzuipite in a thupiak bangin mi khempeuh a tusak uh hi.
16. Tua ciangin Jesu in tua khomun nga le ngasa nih la-in, vantung lam ento-a, thupha a piak khit ciangin balneenin mipite’ mai-ah lui dingin a nungzuipite a pia hi.
17. Amaute khempeuh in ne uh a, a vekpi-un a kham khit uh ciangin, a khamvalte uh a neng a themte kaikhawm uh a, seng sawm le seng nih dim a ngah uh hi.

Hi in Topa’ Lungdamna Laisiangtho ahi hi.