Catholic Nisim Lungdamna Laisiangtho. Hun Nautang Nipi Kaal (13) Na. 1.7.2025 (Tue)
Matthew 8:23-27
- Tua ciangin amah gunkuang tungah tuanga, a nungzuite in amah a zui uh hi.
- Thakhatthu-in tuipi tungah huihpi nakpi-in hong nung ahih manin tuihualte in gunkuang a tum dektak hi; ahi zongin Jesu a ihmu lai hi.
- Tua ciangin nungzuite a kiangah pai-in, amah phong uh a, “Hong hon in Topa aw, a kisia ding ka hita uh hi!” a ci uh hi.
- Amah in, “Upna neute aw, bang hangin hih zahtakin lau na hi uh hiam?” ci-in a dawng hi. Tua ciangin amah tho a, huihpi le tuihualte thu a piak ciangin a dai pah dide hi.
- Amaute in lamdangsa mahmah uh a, “Hih mipa bangci mi hi a, huihpi le tuihualte nangawn in a thu mang liang ahi hiam?” a ci uh hi.
Hi in Topa’ Lungdamna Laisiangtho ahi hi.
