Missa bawl ciang, Siampi te’n bang puan teng silh
Dot na: Father aw, no biakpiakna Missa (Mass) na bawl ciangun bang puan teng silh na hi uh hiam?
Dawng na: Akhat na in Cassock aki ci, Siampi te silh puan tual or Siampi puan, kisilh masa hi.
Latin kam in, Vestis talaris, akhiatna pen ” Siakmit ahih kei leh khe ngawng ciang tung puantual” cih na ahi hi. Ei deih dan dan in aki bawl thei, a ki khui thei hi lo hi. Anuai nung pen ah aki silh ahi hi.
-Anih na in Alb (Latin in albus, akhiatna White, akang cih na hi hi. Hi zong puantual sau mah ahi hi. Biak piakna bawl ciang aki silh hamtang ahi hi.
-Athum na ah, Cinture aki cih khau or kawnggak ki zang hi. Hi khau in pen Alb tung ah ki gak masa hi.
-Ali na ah Stole, ngawng awk ki zang in, hi ngawng awk pen Cinture tawh ki gak hi.
-A nga na ah Chasuble or Vestment aki cih puan pen atung pen pen ah ki silh hi.
-Surplice aki ci, khut ciang a sau, puansilh kang khat zong om lai hi.
-Clerical shirt aki cih Siampite bek silh puan zong om lai hi, tua puan i agawng ah ROMAN COLLAR aki thuah hi.
Catholic pawlpi in, Hi puan aki silh te khat ciat i akhiat na leh a deihna a neih kim na zong hong hilh khin hi.
Tua bektham lo, khat ciat a ki silh kuan ciangin zong, thungetna aki bang lo khat ta neih uh hi.
Siampi puan ahihna leh biakpiakna ah aki zang leh aki silh ahih man in, asilh ten zong zahtakna neih ding kisam hi.
Theih ding thu: Hi puan te akisilh ma-in, Siampi te thupha ki pia sak in, tuisiangtho zong aki theh khin sa vive ahi hi.
By Fr. Paulinus
