Topa Jesu Tawh Nai (24) Sung Omkhopna (2-3.7.2025)

Kalay Diocese sung Jubilee Kum tawh kisai-in vaipuak nei thuvanpi a hi Rev. Fr. Peter Lian ii makaihna tawh nai 24 sung Topa Jusu tawh omkhopna Siangthopumpi Biakna pen Siangtho Lungtang Biakinn, Suangpi khua ah August 2 ni pan ni 3 ni dong ki bawl ding hi.
August 2 ni nitak lamin Singlamteh Lamzuihna tawh ki pan in tua khitteh Siangthopumpi pen Siangthopumpi buk sung pan lakhia in Mipi te muhna ah a kikoih khitteh Siangthopumpi Biakna ki nei ding hi.
Tua Siangthopumpi Biakna hun sungah mipite in innkuan khat bangin thungenkhawm in innkuan kim ii kisapna leh Kawlgam ii a kisapna bulpi ahi thumaan tawh ki ukna leh nopsakna ngah nangin thu ngetkhopna ki nei ding hi.
Hih nai 24 sung Topa Jesu tawh omkhopna in ih Diocese aa dingin thupha nak, thupha konghonna hi-in Siangthopumpi Biakna ii a thupitna leh Mawhna daanlohna leh Pasian tawh kilemkikna cih thute ii a thupitna te zong hong phawksak semsem hi.
Hih nai 24 sung Topa Jesu tawh omkhopna, Siangthopumpi Biakna pen Aug 3, Sunday nitak lam in Benediction tawh ki mansak ding hi. Hih hun sung tengin eite in zong ih omna ciat ah Siangthopumpi Biakna ih neih zawh nang hanciam ciat ni.
Tu 2025 Jubilee Kum sung in ih Diocese sung Parish kim ah hi bang in ih bawl zawh nangin Jubilee tawh kisai makai pi Rev. Fr. Peter Lian in lunggulhna nei hi.

Thu bulphuh Laisiangtho:
Topa aw nangmah in keima lametna, ka khamuanna na hi hi (Ps. 71:5).
‘Tatsatlo-in thu na ngen un’ (1 Thessalonians 5:17)