Reception of Sr. Justiphine Naw Aye Zar who made First Profession of Religious Vows on (18.8.2025)
A etteh huai lungdamna thu khat pen August 15 ni-in hong piang hi.
St. Theresa Nungak siangtho sangnaupang Novitiate mi (7) in Tonu Maria Vantung ah a ki laktohni-in Assumption Intermediate Seminary, Kalaymyo ah Puantual ngahna nei uh hi.
Tua sungah tua sungah Tongngu Diocese pan Karen te khat gam sung buaina hang tawh a Nu leh a Pa, U leh Nau kua mah hong pai thei lo uh a hih manin a mah in Missa Biakpiakna sungah a Nu leh a Pa Din mun a la dingin Thuhilhsia Sia Felix Vungh Suan Pau (Pauta) leh a zi Nu Anna En Thawh Vung te hong telin tua te Nupa in a Nu leh a Pa din mun hong laksak uh hi.
Tua bangin Karen Nungak Siangtho khat ii Nu le Pa din mun a la Sia Felix Pauta te nupa zong in hi bang din mun a lak theih pen Pa Pasian tungah nuam mah mah uh a hih manin Nu Ngak Siangtho Nu Sr. Justiphine a pah tawi na in Bawng a gol mahmah khat go in August 18 ni-in Pahtawina Pawi a inn ah nasia takin bawlsak hi.
Hi bangin Pahtawina Pawi a bawlna uh ah zong amaute ii U leh nau, tanu tapa te sam lo-in Nungak Siangtho te ii vaihawmna bangin Nungak Siangtho te leh Siampite sam in hun bawlna leh annekpihna nop tak in nei uh hi.
Hi bangin U leh Nau te tungah itna a neih khit banah minam deidan na neilo in Topa Jesu hong hilhna bangin gamta in Pasian leh Pawlpi a itna tawh Nungak Siangtho Sr. Justiphine Naw Aye Zar tungah itna lak in Pasian sungah Ka Tanu hi ci-in Pahtawina nasia takin a bawlsak Sia Felix Pauta te Nupa pen etteh huai mah mah hi cih thu a ki pulak ih hi hi.
Hi bangin minam deidanna omlo in mikim tungah itna lahna pen Catholic upna hi cih ih phawk ding kisam pha mahmah hi. Kei minam pih te bek it ding huh ding cih ngaihsutna pen Catholic upna tawh ki lehbulh hi cih zong phawk ciat ni.
Hi bangin minam dei dan na omlo in Siampite, Nungak siangtho te tungah itna tawh huhna a pia pen leitungbup ah Catholic thuzui mite sungah tam khin mah mah ta hi.
A hi zongin ei Zomite sungah tam pi om nailo ih hih manin Sia Felix Pauta te Nu pa etteh in Catholic upna te ih nuntakna ah ih lah zawh semsem nang hanciam ciat ni.
