Vailankanni Cidamna Tonu Pawini le Tonu Suahni Pawi.8.9.2025 (Mon)

St. Mary Cathedral Parish a cing akem Msgr. John Deng Cin Khup vaihawm siamna tawh Tonu Suahni Pawi picing takin ki bawl hi.
Tua Suangah Vailankanni Cidamna Tonu bulphuhin Novena ni (9), dial khaini tawh ni sawm ki bawlin Tuni Tonu Suahni Pawi tawh ni (11) sung a ki zom in Missa Biakpiakna ki bawl in Novena thungetna ki nei hi.
Tuni Pawipi ni pen Kalay Diocese hongcing hongkem Bishop Felix Lian Khen Thang makaihna tawh Missa Biakpiakna zingsang nai (8:00 am) in ki bawlin Siampite (16) leh thuzuimi (2000) kim kihel hi.
Siadawpa in Laisiangtho thuciam lui sungah Numei minthang tampi om mah ta leh Pawlpi in amaute Suahni Pawi bawlsak lo-in Tonu Maria ii a Suahni Pawi bek bawlsak hi. Tua pen Tonu Maria pen Pasian ii a teeltuam Topa Jesu ii Nu a hih man hang ahi hi. Tonu Maria pen Mawhcilna neilo in St. Anna Gilsungah Mawhcilna neilo in kipaai-in kha kua a cin ni September (8) ni-in a suahni pawi a kibawl ahihna thu limtakin hilhcianna nei hi.
Missa Biakpiakna a man khit ciang Tonu Suanghawm mai ah Tonu lai khak te thupha piakna leh helna, Nonu dial khai khiatna cih te ki nei hi.
Tua khitteh Tonu Pawi ah a ki bawl ngeina bang mahin အုန်းသီးခွဲ na te ki nei hi. Tua banah Vailankanni Tonu Pawi ah Pumpi kidekna lim lahna deihna te ngah ding cih lungngulhna tawh khukdinsa in thu ngen kawmin Biakinn sungah a ki lut mah bangin thuzuite sung pan a lunglut zawdeuhte Biakinn kong mai pan khukdin sa in Pasiantau lam zuanin Pasian tau mai-ah thupha san na nei uh hi.
Kikhop man te Thuzuite Piakkhiatna tawh Siampite, Nungak Siangthote leh Siampi a sin, Nungak Siangtho a sin te leh Pawlpi Upa teng sunan vakna nei uh hi.
Kum sim kumsim in Tonu tungah upna leh zahtakna a nei mi ki behlap den ahih manin lungdam huai mah mah hi.