Celebration of Year of Jubilee at Saizang (5.10.2025)

Saizang Zone acing akem Rev. Fr. John Zo Khan Mung (V.F) vaihawm siamna tawh Khithungetna Tonu Biakinn, Saizang Khua ah Jubilee Kum muakna pawi Saizang Zone min tawh October 5, 2025 ni-in nuam takin bawl hi.
Tua sungah Zone sungaa om khua kim pan pawi sim ki pai-in Mawhsutna na sia takin ki bawlin Mawhna Daan pan maisakna (Indulgentia) piakna zong ki nei hi.
Sun hun nai (1:30) in khua sungah Siangtho Pumpi leh Tonu lim vakpihna ki nei-in tua banah Ciimnuai Calvary ci-in Rev. Fr. John Zo Khan Mung (PP) ii thungetna mun siangtho dingin a bawl thak Saizang Khuakhung ah a kilam Tonu Suangbuk thupha piakna ki nei hi.
Tua sungah (ဘင်ခရာ) Bhainkghkarar tum na te zong nasia takin ki nei-in intak hun in zong Lenkhopna nopcitakin kibawl hi.
Hih pawi ah Siampi (9), Deacon khat leh leh thuzuite tul le zanga bang pha dingin ki lamen hi.
Photos: ctd