Rev. Fr. Paul Pau Kim Tuang Siampi Suahzawh Kum (8) Cin Lungdam kohna, Little Way Siampite Kum (25) Cin Silver Jubilee leh Jubilee Kum Muakna Pawi, Mainuai (5.10.2025) Sunday
October 5.2025 Sunday ni-in Rev. Fr. Paul Pau Kim Tuangin a ma Siampi suahzawh kum (8) cinna, St. Theresa Siampi Sinna Sang a kihon zawh kum (25) cin Silver Jubilee Pawi leh Tu kum Jubilee Kum muakna Pawi Missa Biakpiakna pen zingsang nai (7:30) in Mainuai Diocesan Training Centre ah noptak in bawl hi.
Tua sungah Missa Biakpiakna pen Rev. Fr. Paul Pau Kim Tuang in makaih in Rev. Fr. Augustine Thang Ngaih Pau in Kha-an vak na nei hi. Hih pawi Missa Biakpiakna hun sungah Siampi (5), Nungak Siangtho te (15) leh thuzuite mimal (150) kim pha uh hi.
Zingsang Missa Biakpiakna aman khitteh Siampipa Pahtawina, Letsung piakna hun ki bawl hi.
Rev. Fr. Kim Tuang in vok nih tawh pawi bawlin thuzui teng nitak an vakna nei hi. Nitak annek khitteh lenkhopna lasakna te nasia takin bawl uh hi.
