(Priestly Ordination of Five Deacons at Sts. Peter & Paul, Kalay) Siampi Suah Pawi (14.11.2025)Friday
Tuni Sts. Peter & Paul Parish, Kalay Diocese ah
Deacon Gregory Gin Mang Za Thang
Deacon James Lian Sian Kham
Deacon Joseph Langh Sian Khai
Deacon Martin Thawng Khan Thang
Deacon Paul Thang Sian Kim te in His Excellency Bishop Felix Lian Khen Thang khuttung pan Melchizedik guizui a tawntung Siampi suahna za ngah uh hi.
Bishop Felix in kha-an a vakna sungah Melchizedik Siampi gui zui Catholic Siampi te tangthu Abraham hun pan ki pan tuni ciang a kizop tohna thu hong gen hi.
Tua khitteh Siampi ih cih pen beh leh phung u le nau aa dingin Siampi a kisuak hi lo in mi khempeuh ii gupkhiatna a ngah nang nasem dingin Pasian in Aaron bangin a teeltuam Siampi a hihna thu te hilhcianna nei hi.
Tua pawi ah Siampi (50) leh Thuzuimi (5000) val kihelin hun man ciang sun-an nekna noptakin ki nei hi.
Nitak lam Siadaw huangah Siampi thakte Pahtawina ankuang ummkhopna kk nei hi. Siampi thak te aa ding thu ngetsak ciat ni.
