Twenty Little Way Sisters of St. Theresa Celebrate Silver Jubilee of Service at Sts. Peter & Paul’s Church, Kalaymyo (31.1.2026)

Kalay Diocese hongcing hongkem His Excellency Bishop Felix Lian Khen Thang makaihna tawh St. Theresa Nungaksiangtho te mi (20) Nungak Siangtho suahzawh kum 25 cinna Silver Jubilee Pawi Sts. Peter & Paul Biakinn ah tuni zing sang 31.1.2026 ni zingsang nai 6:30 in nasian takin ki bawl hi.

Tua pawi ah Siadawpa in St. Theresa ii thugen ahi Pasian ih it theih ciangin eite khat leh khat ih ki-it thei pan ding hi cih kammal bulphuhin “Pasian ih it khitteh nungaksiangtho te khat leh khat ki-it semsem in leitung buppi ah ki-it kilemna khangsak ciat ni” ci-in kha-an vakna nei hi.

Missa Biakpiakna aman khitteh Silver Jubilee Pawi a bawl Nungaksiangtho te lakpan khatin Siadawpa leh Siampite, Pawisiam thuzui mimal khat kim ciat tungah a lungdamna thu te uh pulak khia hi. Hih pawi Missa Biakpiakna sungah Siadawpa leh Siampi 23 kihel thei-in tha kingah mahmah hi.

Kikhop man ciang St. Theresa Nungaksiangtho te in Siampite leh Nungak Siangtho te zingan vakin mipite Moh leh dangdawn tui lim mahmah te tawg zindona nei uh hi.

Tuni-in Pasian nasep zawh kum 25 Silver Jubilee Pawi a bawl Nungaksiangtho te pen

1. Sr. Margarita Khin Cho Cho Aye

2. Sr. Rose Mary Thang Hnguh Hnging

3. Sr. Helena Ghung Len

4. Sr. Theresa Dim Ngaih Lian Cing

5. Sr. Theresa Khaw Gei Yong

6. Sr. Rosy Mawi Lan

7. Sr. Francisca Gei My Hlee

8. Sr. Assumpta Khaw Gei Cha Tii

9. Sr. Angela Myint Myint Than

10. Sr. Agatha Dim Ngawh Lun

11. Sr. Mary Cing Lawh Nuam

12. Sr. Juliana Ngun Do Cung

13. Sr. Christine Tling Vel

14. Sr. Theresa Shing Khei Hnging

15. Sr. Bibiana Ling Paing Bu Li

16. Sr. Maria Gei Sein

17. Sr. Maria Zen Deih Mang

18. Sr. Maria Van Nei Kim

19. Sr. Cecilia Tluang Sia

20. Sr. Theresa Ning Lawh Lun cihte ahi uh hi.

Amaute in mailam hunte ah abeisa hunte sangin Pasian na picing takin a sep zawh semsem nangun thu ngetsak ciat ni.