Birthday & Feastday Celebration of Daw Agatha Niang Hau Dim (5.2.2026)

Tuni Daw Agatha Niang Hau Dim in Pasian thupha tawh a suahni leh a misiangtho pawi ni Pasian tungah lungdamkohna pawi na sia takin bawlin a Parish sunga om Siampipa leh thuzuite bek thamlo in Siadawpa leh Diocese sunga Siampi teng zong sam kim a hih manin lungdam huai mah mah hi.

Tuni hih Daw Agatha Didim ii Suahni leh Misiangtho pawi ni lungdamkohna hun sungah a Parish Priest Rev. Fr. Damian Zam Sian Dal vaihawm siamna tawh Inn thupha piakna Msgr. John Deng Cin Khup in makaih in Pasian kammal tawh kha-an vakna pen Rev. Fr. Paulinus Thang Muan Lian in hong gen hi. Hun man ciangin Sunan nekna nuamtak in ki nei hi.

Hih pawi ah Siampite ii kumcin Meeting leh Pasian thu lungngaihna hun tawh kituak ahih manin Siampite (60) bang kihel-in thuzuimite za val bang kihel thei hi. Hi bangin Siampi teng khempeuh sapzawh nang itna leh neih leh lam a nei thuzui mite tungah a ki behlap semsem nangin thu ngetsak ciat ni.