Misiangtho Romanus le Lupicinus te Pawini.(February 28)

Misiangtho Romanus in kumzalom 5 hunin Burgundy ah suak hi. Kum (35) aphak hunin Piantit gam, Jura mualtungah pai-in amah bek om hi. Tua lai ah (Lives of the Desert Fathers) Sehnel gam Pa te nuntakzia thu a ki gelh, Cassian ii lai bu pua hi. Tua banah khaici pawlkhat leh huan bawl nading van pawlkhat zong pua hi.
Bienne leh Aliere gunte ki tuahna, a gamla mahmah mun khat ahi, Waldan tui bual ah Romanus in David Thoreau bangin Pasian thu lungngai in nuntakna khat kipan hi. Amah in a nisim nuntakna pen lai simna, huan puahna leh thungetnate tawh bei sak hi.
Ama kiangah hong hawh te in sabeng in khat veivei a pai mite leh gamlak ganhingte bek ahi hi. A sawt ciangin amah bangin Pasian thu a hanciam nuam mite khat khit khat hong pai-in tua laiah buk lamin om uh hi. Tua te sung pan khat in Romanus ii nau Lupicinus ahi hi. Anung lam ciangin anau numei te leh numei pawlkhat zong hong om uh hi.
Romanus te unau in nikhat khit nikhat hong ki behlap mite omna alem nadingin zateih sang lam ding khentat uh hi. Tua lai a om zateih te in thatang tawh nasepna thupi sak deuh uh hi. Khanglui puan silh uh a, sing tawh a kibawl shoe khedap te bulh uh hi. AD 460 ciangin Romanus si aa, tua zawh kum (20) sung, Lupicinus nungta lai-in Pasian thu hanciam mahmah hi. AD 480 kumin Lupicinus si hi.
Misiangtho Romanus leh Lupicinus te aw…Ko te adingin thu hong ngetsak tan.