Confering Cassock to the Seminarians by Bishop Felix at Assumption Intermediate Seminary, Kalaymyo (7.3.2026)
Tuni Rev. Fr. Paulinus Thang Muan Lian (Rector of Assumption Intermediate Seminary) ii vaihawm siamna tawh Kalay Diocese pan EEE laivuanna ah gualzawhna a ngah Sangnaupang (4) te puantualpiakna pawi Assumption Intermediate Seminary, Kalaymyo ah Bishop Felix Lian Khen Thang makaihna tawh noptak in ki bawl hi.
Tua sungah Puantual a ngah te in hih a nuai aa bang ahi uh hi.
1. Bro. Dominic Mung Suan Sang ( Tauleng Khua aa teng Pa Joanes Dal Tuan Piang leh Nu Celilia Thang Tul Cing te in tanu tapa kigawm guk a neih lakpan a li na)
2. Bro. Michael Kap Gin Tung (Zozang Khua aa teng Pa Joseph Pau Khan Mung leh Nu Maria Awi Ngoih Cing te in tanu tapa a kigawm sawm a neih lak pan a sawmna)
3. Bro. Peter Dim Kim Pau (New Thalmual Khua aa teng Pa Joseph Go Za Lian leh Nu Patricia Cing Theih Niang te in tanu leh tapa a kigawm sawm a neih lak pan a nga na)
4. Bro. Peter Khup Sian Kap (Khampat Khua aa teng Pa Paul Hau Suan Thang leh Nu Nu Maria Cing Hau Niang te in tanu leh tapa a kigawm giat a neih lak pan a nga na) cih te ahi uh hi.
Gamsung vai buaina leh hamsatna tuamtuam hang tawh pawi pi pen Puantual ngah thak Tangval Siangtho te ii innkuanpih teng leh Siadawhuang aa om Siampi teng leh Minor sangaa a kikhawm thei den teng tawh ki bawl hi.
Kikhop man ciang Assumption Intermediate Seminary pan zing an vakna nei uh hi. Hih Puantual ngah thak Tangval Siangtho te in a ma ban neih lai te uh ah limtakin gualzawhna a ngah nangun thu ngetsak ciat ni.
