St. Paul Biakinn Thak Hon Pawi, Kimlai Khua, Ingyinkhone Parish (8 March, 2026)

Ingyinkhone Parish Priest Rev. Fr. Andrew Thang Ngaih Lian vaihawm siamna tawh Bishop Felix in March 8, 2026 ni-in Kimlaikhua St. Paul Biakinn Thak Thupha piakna nei hi.

Hih Kimlai khua ah pen Catholic thuzui mi inn (40) kim pha in amaute hanciamna tawh Taih Inn tawh a kilam Biakinn hoih mahmah khat a nei zo uh hi ta a hih manin lungdam huai mahmah hi.

Hih Pawi pen zingsang nai (8:45) pawlin Biakinn mai Gate pan Siadawpa vaidawnna ki nei-in, tua khitteh Biakinn pang a State a kibawlna ah Zo ngeina tawh vaidawnna nasia takin ki bawl hi.

Missa Biakpiakna hunsungin Ingyinkhone Parish bup pan naupang (150) kimin Christma Hanthotna sang uh hi. Hih pawi sungah Siadaw pa leh Siampi (5), Tangval Siangtho (2), Nungak Siangtho (6) leh thuzuimi (500) kim kipha in nopci mahmah hi.

Missa Biakpiana a man khitteh a kikhawm teng sun-an vakna ki nei-in Siadawpa leh a pawlte Chin Suh, Ingyinkhone leh Thayarkone khua te ah tawm vei ta bangin Upa te tawh holimna hun nuam khat nei thei uh hi.

Kimlai khua ah pen nitak ciangin a om laitengin lenkhopna zong nuamtakin bawl lai ding ci uh hi.