Monthly Recollection of Priests of Kalay Zone (14.3.2026)
Tuni Kalay Zone aa om Siampite ii kha sim aa a neih Pasian thu lungngaihna pen Rev. Fr. Paul Langh Muan Lian makaihna tawh Kalaymyo Siadaw Huang ah ki bawl hi.
Amah in complaint cih thulu tawh – lungkim theihlohna, phun sesuna, midangte hawmthawhna cih te ii a hoih lohna thu hilhcian na nei hi.
Amah in tua thulu tawh kizui-in leitung mite ii gamtat dan leh lungsim puakzia te Laisiangtho bulphuhin gentehna tuamtuam tawh gen hi.
Tua sung ah Adam in zong Singgah a nek pen Eve mah mawh pua sak ahihna thu leh Israel mite in a thumthum a phun phun na uh hangin Pasian kamciamna mun Canaan gam a tun na ding kum sawm li tak a sawtna thu te tawh genteh in phunphun tautau na pen Pasian muan lohna hang hi ci-in gen khiatna nei hi.
Tua banah St. Paul in thong sung pan in Pasian a phat den mah bangin ih nuntakna te ah haksatna om mah leh zong Pasian ih phat theih den ding kisam hi ci-in gen khiatna nei hi.
Tua khitteh mawhsutna, Pasian thu lungngaihna, khikhinna leh Sun hun thu ngetna te ngetkhopna ki nei hi.
Hun man teh Kalay Zone sunga nasepna ding tawh kisai thu zaksakna tuamtuam ki nei-in sunan nekna tawh tuni Pasian thu lungngaihna noptakin ki man siang hi.
