Bishop Felix Visited with the Parish Elders of Thayarkone Village (8.3.2026)
Ingyinkhone Parish sunga om Thayarkone Khua ah Biakinn thak a ki lam a ki pat zawh pen Covid a hong tun ma pek hi-in sawt mahmah ta hi. Biakinn pen a zepna ding lo teng a huampi-in a man hi ta in hoih tuak mahmah hi.
A hi zongin a tung lam Ceiling, a sual (tile) leh za zut ding teng kisam lai hi. Tua tawh kisai in Pawlpi Upate in Siadawpa kiangah a sem ding Engineer te kiangah Ceiling leh a sual (tile) bawlna ding sum a ki pia khin hi mah ta leh amaute zat Engineer leh nasem te kum khat sung bang hong pai lo uh ahih manin Biakinn hon pawi a ki bawl zo nailo hi ci-in a haksatna te uh gen khiat na nei uh hi.
Siadawpa in Pawlpi Upate kiangah hih Biakinn aa ding huhna a hogpia mundang pan hi ta leh ih thuzui mite tungah (Report) nong huhna uh tawh hi ciang na zo khin ung ci-in thu ih zaksak ding zekai mahmah ta a hih manin a manlang thei thei in nasep nazop kik zawh nangun Engineer pa tawh kikum in na hanciam pha mah mah un ci-in vaikhak na nei hi.
Thayarkone khua ah pen thuzuimi inn (60) kim pha in Biakinn zong hong mansiang leh hoih mahmah ding a hih manin thangah huai mahmah hi.
