Misiangtho Enda Pawini. (March – 21)

Misiangtho Enda in AD 450 kumin Ireland gamah mi nuamsa innkuan khat sungpan suak hi. Amah pen akhangno lai-in a tatsia mahmah ngei khat ahi hi.

A naunu Fanchea in nungak siangtho khat hi a, Enda in anau Fanchea ii lawm nungak siangtho khat pen pakta mahmah hi. Ahi zongin Enda ii pahtak nungak siangthonu a sawt lo-in si hi.

Tua ciangin Fanchea in alawm nungak siangthonu luanghawm pen a upa Enda en sakin, Nikhat ni ciangin sihna le thukhenna thuak ding hi hang ci-in thuhilh hi. Tua ciangin Enda zong kisikkikin kum tampi sung Ireland pan apaikhiat khit ciang Siampi suak hi.

Tua khit ciangin Ireland ah ciah kikin asanggam numei khat ii pasal ahi, kumpipa kiangah pai in, leitang apiaknading huhna ngenin Galway tuipi gei, Aran tuikulh ah om hi. Tua lai ah zateih siampi 150 bang khangto hi.

Amaute kipawlna sunga om zateih Siampite in Enda ii makaihna zui uh hi. Tua zateih siampite in suanghawm ah om in thungen den uh a, Ngamatna le lo khawhna nasepte sem uh hi. AD 530 kumin Ireland ah Enda teeksih hi.

Misiangtho Enda aw….kote adingin thu hong ngetsak tan.