Arimathea khua mi Joseph Pawini.(March – 29)

Arimathea khua mi Joseph in minnei mihau khat hi a, ama sih ciang aki vui nadingin a neih Han thakah Topa Jesu luang akivui nadingin apia pa ahi hi.

Tua banah tua hun lai in Jew minamte in Topa Jesu ii sepna bawlnate sang zolo himah taleh Joseph in ahih le Jew mite a kihtak manin akilang loin Jesu’ nung a zui mi khat ahi hi.

Topa Jesu asih ciangin Pilate kiangah Joseph pai in Jesu’ luang ngen a, Pilate kiangpan phalna angah ciangin Jesu luang la hi. Nicodemus in myrrah le aloes sathau namtui anuh khit ciangin saihadial puan siangtho tawh tuam in Joeph i han thak sungah sial in han kongvang suangtumpi khat tawh huk hi.

Arimathea khua mi Joseph in Topa’ gam alamen khat ahih banah Jew thuneite mawhsakna pan aki pelh nadingin dai takin Topa Jesu nung azui khat hi a, kumzalom 1 hunin si hi. Arimathea khua mi Joseph in Topa Jesu i luang a vui pa ahih manin amah pen misi luangte apuahsak mite belh Misiangtho khat ahi hi.

Misiangtho Joseph Arimathea aw….kote adingin thu hong ngetsak tan.

Mt 27:57-61/ Mk 15:42-47/ Lk 23:50-54/ Jn 19:38-42