INNKUAN LUNGSIM CIHIN
Innkuan khat ih hih tak ciangin, ih innkuan sung ih thupitsak ciangin kei cih aituam lungsimin eite cih lungsim tawh hong kilaih hi.
Kei lungnop nadingin sem ning cih sangin ka innkuan sung uh anop nadingin sem ning cih lungsim hong om hi.
Kei gualzawh nadingin hi lampi teel ning cih sangin ka innkuan sung alem nadingin hi lampi teel ning cih bangin ngaihsutna te hi.
Mindai/minsiat nading nasep khat peuh sem ding na ngaihsut khak ciangin ka innkuan sung zong hong susia kha thei ding hiam cih bangin ngaihsut ding kisam hi.
Kei khat bek hile khiatna neilo in eite akibangin kalsuannate, lungnopnate, gualzawhnate in khiatna nei bek hi.
Innkuan khat ih hih tak ciangin lungkhamnate, kipiakkhiatnate, lungnoplohnate aom theih hangin eite omkhawm hi hang cih lungsim tawh na khempeuh te sangin manphatna lian zaw hi.
Lam khat pan enleng, khat kia in, langkhat bek pan innkuan cih lungsim neih ding pen lem thei lo hi. Innkuan lungsim in innkuan mimal khat ciat neih ding lungsim hi.
Innkuan lungsim pen innkuan mimal khat ciat sungah om le akicing innkuan i hi zo kei phial zongin anuam innkuan hi hamtang ding hi.
#lifestyle #Innkuan, #knowledge, #RVA, #RVATedimChinService,
