MISSA BIAKPIAKNA AH A KIVAK KHUAIMEITE
Bang hangin Missa biakpiak hun ciangin Khuaimei vak a tawmpen nihta ki vak hiam?
Pasian tau tungah khuaimeivak vaknain a thuthuk khiatna nei khat ahi hi.
Pawlpi’ biakpiakna tawh kisai (Liturgical Law) thukhun ah Missa biakpiakna hun sungin atawmpen khuaimeivak nih ki vak ding hi. Khat bek zong hi thei lo in vak vetlo zong kingahlo a, a tawm pen nih vak hamtang ding hi.
Bang hang hiam cih leh Missa biakpiakna in kikhopna, thu tangkona lianbek hilo a, a siangtho nasep khat ahih manin tanglai hunin khuavak ngah nadingin khuaimei vak na zangh uh hi.
Ahi zongin electric meite hong om tak ciangin zong Pawlpi in khuaimei vak mah kizangh suak hi. Banghang hiam cih leh khuaimeivak in thu khat atangko ahih man hi. “Hi munin asiangtho mun hi. Hi nasepna in Pasian nasepna hi” cihna hi.
Laisiangtho sungah zong Pasian tungah apna neih sialin ataang/meivak kihel den hi.
Khuaimeivak nih – A dai teci te
Laisiangtho ngeina tawh kizui in thuman khat kip sak nadingin teci minih kisam hi. Laisiangtho sungah “Teci nih (ahih keile) thum ii gen khiatna tawh kizui in thu khat kipsak ding hi” ci hi.
Missa biakpiakna ah khuaimeivak nihte in pasian tau tungah thupiangte adingin dai takin teci apang te ahi uh hi.
Topa Jesu ii biakpiakna
Siangtho Pumpi (Eucharist) sungah a om Topa Jesu ii Siangtho Pumpi sungah a om takpina (Real Presence) pasian tau pen teci omlo in kikoih ngeilo hi.
Pasian mai ah Meivakte
Khuaimeivakte in leitung’ khuavak ahi Topa Jesu limlahna in amaule amau vakna/katna/halna thuak uh hi.
Vantungah akahto thungetna ii limlahna hi.
Khuaimeivakin khuavak apia dingin amah le amah kivakna, halna athuak mah bangin hi in ei le ei kipiakkhiatna lim ahi hi.
Hih in Missa biakpiakna ah apiang thu hi. Topa Jesu in eite adingin amah le amah avekpi in hong kipiakhia hi.
Banghang in khuaimeivak khat bek kingahlo ahi hiam?
Khuaimeivak khat bek aom na in- khat kia bek thungetna tawh kibang thei hi. Ahi zongin Missa biakpiakna in cikmah hunin mikhat aituam hi ngeilo hi.
Khuaimeivak nihin “hi in Pawlpi ii mitam, thuzui khempeuh tawh akisai biakpiakna hi” cihna hi. Topa Jesu in ama pumpi ahi Pawlpi panin asem ahi hi.
Pawipi te ah khuaimeivak a tamzawkna thu pawipi nite ah na mu ding hi.
Khuaimeivak 4\6 cih bangin, Siampilian Bishop makaihna tawh akibawl Missa te ah khuaimei 7 ki vak hi.
Khuaimeivak 7 te in Sacramentu nam (7) tang ahi hi. Siadawpa in Sacramentu nam (7) piak theihna aana nei hi cih lahna hi.
Pasian tau in sabuai/tau mawkmawk khat hilo a, Siampipa in zong mipite alak mawkmawk hilo hi. Missa biakpiakna in thu mawkmawk hilo hi. Khuaimeivak nihte in daitakin tangko uh hi. “Topa hi lai ah om hi. Vantung kongkhah kihong ta hi, lunglut in.”
Tua ahih manin khuaimeivak te na muh ciangin hi thu te kitheihmawh bawl kei in.
Amaute in kammal paulo in Pasian thu a gen te ahi uh hi. Aw suak loin biakpiakna abawlte ahi uh hi. Tua banah Topa om hi, Amahin biakapna thuakin om hi. Topa in eite ii khuavak hi ci-in nang hong phawksakte ahi uh hi.
