Misiangtho Matthias Pawini. (May – 14)

Misiangtho Matthias pen Bethlehem Gam Judah minam sungpan a piang ahi hi. Amah pen aneu akipan (Law of God) Pasian thu pilna sin-in om hi. 80th AD pawlin Jerusalem, Judaea ah si hi.

Matthias pen Judas Iscariot in Topa Jesu zuakin amah leh amah in sihna a thuak khit ciangin Nungzuipite in me (vote) piakna tawh nungzuipi 12 te lakah khat dingin a teel uh ahi hi. Amah in aki tuisawp khit a kipan Topa Jesu vantungah a kahtoh ni dongin Nungzuite khatin a na ki hel ahi hi.

Catholic Pawlpi in ama pawi ni kum 1969 a kipan kumsimin May 14 ni-in ki bawl den hi. St. Matthias pen zuhaite, let-tamate, puankhuite adingin hoihna leh phat tuamna a pia thei leh a belh uh, huhna a nget uh Mi Siangtho ci-in ki ciam teh hi.

Misiangtho Matthias aw. ..Ko te a dingin thu hong ngetsak in.