Misiangtho Anthony Mary Claret Pawini. (October – 24)
Missionary Sons of the Immaculate Heart of Mary Congregation aphuan ahi, Misiangtho Anthony Claret in Spain gam, Sallent khua-ah 1807 kumin suak hi. 1849 kum, Siampi Ordination angah khit ciangin, Spain gam sungah pai kawikawi-in Pasian thu lungngaihna leh mission nasepte sem in om hi.
1849 kumin, Missionary Sons of the Immaculate Heart of Mary Congregation phuan hi. Tua congregation ii nasep bulpi-in gam sung, gam pua ah Pasian thu tangkona leh Pasian na sepna ahi hi. Kum khat khit ciangin Anthony in Santiago de Cuba Siadaw dingin teelna ngah a, tua Diocese sunga thanemna te mu in thei ahih manin Kha khantoh nading puah thakna te amanlangin bawl pah hi.
Ama Pasian nasepna atangzai semsem na dingin Teaching Sisters of Mary Immaculate Congregation khat zong phuan hi. 1856 kumin, Spain gam ah ki sam kik in Kumpinu Elizabeth II na ii kha lam makaih Siampi dingin sawlna ngah hi. Tua ban ah lungdamna thu mun khempeuh ah a kizelh na dingin pau nam tuamtuam tawh Pawlpi khantoh nading lai tuamtuam te gelh a, The Liveria Religiosa of Barcelona pen Spain gam bup ii lungdamna thu hawmkhiatna leh thak suahna phualpi suak hi.
1870 kumin, Piantit gam, Zateih sang khatah ama anunung nuntakna hun bei sak hi. Ama nuntak hun sungin Pasian thu tangko na tampi leh Pawlpi tawh kisai laibu 200 hawmkhia hi.
Misiangtho Anthony Mary Claret aw…ko te adingin thu hong ngetsak in.
