Misiangtho Olivia Pawini. (June – 10)

Misiangtho Olivia in AD 448 kumin, Italy gam, Palermo aom, mihau innkuan sungpah suak hi. Kum (13) aphak hunin, Olivia in melhoih in aminthang hangin amah in ama nuntakna pen Pasian bek pia nuamin, ama neih le lamh te zong mizawngte piakhia in, a siangtho nuntakna tawh kalsuan dingin tangko hi.

Tua hunin Jermany gam, Vandal minamte in gam keek uh a, Vandal Kumpipa in Christian thuzui mi tampi thah hi. Tua khit ciangin Olivia in North Afarica aom, Tunis khua ah matna thuak hi. Olivia in amah amante amaingat kawmin a mah bang mah in kimatna a thuak Christian te kiangah amau upna akip nadingin tha pia in, Pasian thu umlo thongkia te zong Christian upna aneih nading un alamdang thu te tawh hanthawn zo hi.

Ama ii aminthangna thu hangin Khua ukpa in Olivia pen tua khua pan hawlkhia in, Gamsa gilo te in amah ne in a sih nading alam et hangin, gamvakte in amah a nungta lai in mu uh a, tua gamvakte in amasa in suksiat ding angaihsut uh hangin Olivia in amaute suksiat nading pan akidal zawh banah amaute lungsim zong kikhelsak zo hi.

Gamvakte in amah khua tawh kigamla na munah paipih uh a, amaute ngeina sungah aom Olivia in Pasian umlo te nuntakna zia kikhel sak zo hi. Hi thu te khua ukpa in azak ciangin Olivia thah dingin vaihawm leuleu hi. Tua bangin Olivia man kikin thong sungah koih a, dawi pasian na biak leh kong khah ding hi ci-in genpih hi. Ahi zongin Olivia in ama cihna zui lo ahih manin satgawpin bawlsia hi. Apuante suahkhiatsak in a so vingving sikbel sungah khia hi. Ahi zongin Olivia pumpi kisia lo in ama upna zong kip zawsem lai hi.

Tua ciangin ahingtang pi in mei hallup ding thukhenna thuak hi. Ahi zongin tua zong lem tuanlo hi. AD 463 kum cianginTunisia gam, Tunis ah angawngtanin that uh a, tua ciang bekin si pan hi. Olivia in lasakna leh la phuak a uuk khat ahih manin amah pen music uukte ahuh Misiangtho in kiciamteh hi.

Misiangtho Olivia aw, kote adingin thu hong ngetsak tan.