Misiangtho Osanna Andreasi Pawini. (June – 18)
Tuni pen, Thu le la pawlkhatte in ngak akulna thu hong hilh Misiangtho Osanna Andreasi pawini hi.
Osanna in 1449 kumin mihau Italy innkuan sung pan suak hi. Amah in kum (5) aphak hunin mangmuhna angah khat ahi hi. Amasa in vantungmite leh To Thum Pasian khat mu hi. Tua khit ciangin Topa Jesu in lingkual lukhu khu in Singlamteh apuakna zong mu hi.
Pasian nasem dingin sapna ngahin akingaihsun Osanna in a Pa lunggulhna ahi, pasal neih ding thu nialin kum (14) a phak hunin, Dominican Pasian nasemte kipawlna ii a dawl thumna ah lutin kihel hi. A pa in ahih leh amah unau sungpan alian pen ahih zah khatin a naute kep ding bek ngaihsun sak nuam hi.
Tua ahih manin Osanna in anaute in amau le amau anuntak kalsuan zawh matengin inn ah om ding hi ing ci-in kiciamna pia hi. Dominican kipawlna ah alutna thu a pa in lungkimpihlo ahih manin Osanna in hih a dawl thumna ki pawlna in inn mah ah om in inn pan kiciamna aki bawl thei ahihna thu tel takin a gen ciangin a pa in a tanu ii nasepna thupi sa in thukimpih hi.
Amahin a kum atam hun dong ciang mangmuhna te ngah a, tua mangmuhna sungah kidiah thei zel hi. Kum (18) aphak hunin Topa Jesu tawh ki letthat/kiteeng in mangmuhna ngah hi. Tua zawh kum (12) dong Topa Jesu tawh akibangin gimna thuak hi.
A nulepa te asihzawh nungah amah in a sanggamte tungah tavuan a zo mahmah u pi nu ahi hi. Tua bang teng hangin amah in Pasian nasem dingin kiciamna bawl ding pen kum (37) sung ngak kha in, a sanggamte zong amau le amau aki makaih zawh ding uh hun dong, hun sawtpi kemin makaih kha hi.
Tangthu ki genna tawntung in hileh Osanna in lai sim thei lo in, zong at thei lo hi. Nikhat, lai mal nih a om laidal khat amuh ciangin Kha Siangtho vangliatna tawh amah in Jesu le Maria ci-in a sim zawh banah lai at, lai sim cih te zong hoihtakin tel khin zo hi.
A nuntak hun sungin ahanciamna te hangin natna thuak a, 1505 kumin si hi. Amah asih ma kum (4) hunin ama ii anunung kiciamna bawl zo hi. 1694 kum, November (24) ni-in Pope Innocent XII in Misiangtho suahna tangko hi.
Misiangtho Osanna Andreasi aw….kote adingin thu hong ngetsak tan.
