St. Francis Asisi’s Church, New Hieng Jaang Village (15.10.2024)

Hiangzang Khuathak ah pen a Khuazangin inn (40) bang a phakna lak uh ah RCM thuzuimi inn (20) pha in a inn tawh kituakin amimal in tam mahmah cih ding hi.
Thuzuite a vekpi un kikhawm kim uh ahih manin a Biakinn uh tawh a kituak lian cih ding hi.
Hi khua pen ka pai cilna hi-in ka upmawhna sang nopci sazaw ka hih manin ka thu gen na sung ah “a inn phazah tawh kizui-in ka upmawhna sangin a kikhawm zong mitam hongsa zaw ing. Naupang te zong cidam mel hongsa ing. Tua banah Khangno numeite leh Nupite zong nahamsemlo in nekledawn lam kinzaw pian na hi ta um na pheilam uh khangkhang in a tawi cing val pian vive hile uh cin kilawm hongsa ing ka cih leh kikhop man ciang amaute in hih khuathak ah pen khua hun nuamin ka tuidawn uh siangtho ahih manin ki cidamin ka meluh zong a hoih hi dinghi ci-in hong dawng kik uh hi.
Khua mun pen khamtung gam dingin nopci sa mahmah ing. Lampi bel ahih leh tulai tak bang Cycle hawl siam te leh anung aa a tuan zong a siam zawdeuh te bek mah a pai thei cih ding hi.
Mawtaw lam a tung khin a hih manin guahtui bei ciang lampi kipuah leh Mawtaw pai thei pah ding ci uh hi.
Tu laitak ih gamsung vaitawh buaina ih Diocese sung mun khempeuh ah om kawikawi hi mah ta leh thuzuite in a omna khua ciat uh ah Pasianthu mah numbat khat in koih tek uh a hih manin tha ngah huai mahmah hi.