Catholic Nisim Lungdamna Laisiangtho. Hun Nautang Nipi Kaal (13) Na. 1.7.2026 (Wed)

Matthew 8: 28-34


A galkhat a om Gadara(c) gamah Jesu a tun ciangin, dawivei mi nih hanlak panin hong paikhia uh a, Jesu a na dawntuah uh hi. Amaute kihtakhuai lua uh ahih manin tua lam tawnin a pai ngam kuamah om lo hi.
 


Amaute gel thakhatthu-in hong kiko uh a, “Pasian’ Tapa aw, kote bang hong cih sawm na hi hiam? Ahun tung nai lopi-in kote hong bawlsia dingin hih lai-ah hong pai na hi hiam?” a ci uh hi.
 


Tua laitakin amaute tawh a kigamla lua lo mun khat ah vok honpi a gamta hi.
 


Dawite in Jesu’ kiangah, “Kote nong hawlkhiat leh, vokte’ sungah hong lutsak in,” ci-in a ngen uh hi.
 


Amah in amaute’ kiangah, “Pai un,” a cih ciangin amaute paikhia uh a, vokte’ sungah a lut uh hi; vok honte ken sang panin tuipi sungah diangkhia gawp uh a, a vekpi-in tuikia-in a si khin uh hi.
 


Vok cingte khuapi sungah hong tai uh a, dawivei mite’ thu a kipan thupiang khempeuh a gen uh hi.
 


Tua khit ciangin a khuazangin thakhatin hong kituah uh a, Jesu a mu dingin hong pai khia uh hi; amah a muh uh ciangin, amaute in a gam panun amah a paikhiatna dingin a thum uh hi.


Hi in Topa’ Lungdamna Laisiangtho ahi hi.