All Saints Day. November 1st
Misiangtho te in, Paradizu nopsakna ah Pasian tawh kigawmin, nuam asa te ahi uh hi. Tua sungah pawlkhatte, Pawlpi in misiangtho in ciamteh a, ahi zongin pawlkhat te Pasian bek in thei hi. Rev 22: 4 sungah “Amaute in ama maitang mu ding uh a, amaute’ taltang tungah ama min a kigelh ding hi” acih mah bangin amau te in Vantunggamah Pasian maimu in bia uh hi.
Amaute sungpan aminthang pen in, vantungmi te leh misiangtho te kumpinu ahi, asiangtho nungak Maria ahi hi. Ei khat ciat in zong misiangtho te hih ding sapna ih ngah hi. Pawl khat te thuman adingin sihna tawh ahi zongin, Pawlkhat te a et-teh huai gamtatna tawh ahi zongin, pawl khatte amau nisim nasepna ah ahoihpenin sepna tawh ahi zongin misiangtho suah nading sapna ih ngah ciat hi.
