Congratulations to Peter Khampi on His Achievement of Dilpoma in Socio-Pastoral Studies (27.9.2026)
******
St. Mary Cathedral Parish aa teng Tg. Peter Kham Sian Suang (Khampi) in Yangon Catholic Major Seminary pan a ki hilh “Socio Pastoral Studies” ah Sang manin a (4) Veina Diploma piakna September 27, 2026 ni-in ngah a hih manin Diocese min tawh ih lungdam pih mah mah hi.
Mai kum (2026-2027) aa ding a kah nuam te zong tu kha bei ma ciang ciang min ki-ap thei lai hi cih lungdamna thu hih Diploma piakna pawi ah ki pulak khia hi. Tu kum pen ei Kalay Diocese pan khat bek a kihelzo ih hihi. Mai kum aa ding tampi ih kah zawh nang hanciam ni.
A lunglut te in hih Sang pan Diploma a ngah khinsa Sia John Vungh Khan Kap, Lia Maria Meng Cing leh Tg. Vincent te tung tawn in limtakin ki dong thei hi.
Tua banah hih Sangah a kah nuam te in na Parish Priest tekiang pan leh Kalaymyo Education Zumpi pan form te zong kila thei ding hi.
*Photos Credited to RVA Karen Service
