Misiangtho Ignatius of Antioch Pawini. (October – 17)

Antioch khua ii Siadaw ahi, Ignatius in Lungdamna Laisiangtho at pa St. John ii nungzui khat hi-in, Syria ah suak hi. St. Peter khut sungpan Siadaw Ordination ngah a, a etteh huai Tuu cing khat in kum (44) sung Pasian na semin om hi.

Trajan kumpi pa’ bawlsiat hunin, Humpi an dingin Roma ah kipuak hi. Ama nuntak hun sung, a lawm te upna sungah kipsak in, lai minthang bu (7) at hi. Thukhen mangte sumpia in amah thong sung pan asuahtak nading a vaihawm, Rome aom Christian te kiangah “hih ganhing te in kei tawh Pasian kiang pai nading lampi te ahih manun, amau te’ an ka hi ding hi. Kei-in Pasian’ mangbuh ka hih manin hih ganhing te’ hailupna ka thuak ding hi. Tua ciangin Topa Jesu ii asiangtho an ka suak ding hi” ci-in lai khak hi.

 AD-107 kumin Rome ah tungin sihna dan thuak dingin Coliseum ah kipuak pah hi. AD-108 kumin ni tampi an golhin a kikoih, a lauhuai mahmah Humpi nih te in tawmvei sungin valhtum uh a, a nek banguh a guh tawm om lai te la-in Roma ah tu dong ki koihin zahtakna ki nei hi.

Misiangtho Ignatius Antioch aw…ko te adingin thu hong ngetsak in.