Misiangtho Katharine Mary Drexel Pawini. (March – 3)
Misiangtho Kathkrine Drexel in 1958 kumin American gamah mihau mahmah innkuan sungpan suak hi. Katharine a nulepa te ahauh mahmah uh hangin atate uh thu ahilh uh ciangin “innkuan hauhna, neihlelamh te in eite’ neihsa hilo a, midangte huh nading, piakkhiat dingin Pasian hong piak letsong hi” ci-in thu hilh den uh hi.
Katharine in u numei khat nei a, Katharine asuahzawh asawt lo-in a nu in sihsan hi. Anu’ sih zawh ciangin a pa in zi kik nei in azi kik tawh ta khat nei uh hi. Katharine in aneu tungpanin nitak simin nai lang sungta thu angen den a Pa amuhna tawh khangkhia hi.
A nukikin kaal simin ainn kongkhak hongin mizawngte huhin anvak den hi. Tua bangin a Pa le anukikte in acimawh, agenthei mite kiangah nektheih tuamtuamte, nekten puansilhte hawmkhia piakhia zel uh hi.
Katharine te unauin ahuan sunga nasemte’ ta te Pasian thu hilh zel uh hi. Katherine in mihau innkuan pan ahih mah bangin piakkhiatna ahat mahmah khat hi a, amau Diocese sungah akisamte zong tampi piakhai zo hi.
American ah apai ciangin mipawlkhatte gentheihnate amuh ciang amaute’ nuntakna akhantoh theih nadingin sum le paaite tawh huhin panpih hi. Asawt ciangin America ah ateeng Afarica minamte adingin nasep ding khentat hi.
Tua zawh ciangin nungak siangtho suak hi. Tua laimunah aom mivomte in simmawh bawlsiatna athuakna uh amu Katherine in zong amaute tawh akibangin omkhawmin thuak khawm hi.
Asawt ciangin amaute ahuh ding the Sisters of the Blessed Sacrament cih kipawlna khat phuan hi. Sang (60) val lam zo in, tua sangte ah Sr. Katharine te kipawlna mahin makai sem uh hi. Tua sangte sungpan aminthangpen sangin mivomte Catholic sangpi ahi Xavier university sang ahi hi. Katharine in 1955 kumin lungtang natna tawh si hi.
Misiangtho Katharine Drexel aw….kote adingin thu hong ngetsak tan.
