Misiangtho John of Capistrano Pawini. (October -23)
Franciscan Congregation ii aminthang Pasian thu tangko ahi, Misiangtho John Capistrano in, 1386 kumin, Italy gam, Capistrano khua-ah suak hi. Upadi tawh sang aman khit ciangin Perugia ah tavuan ciah a, tua lai mahah melhoih mahmah mihaute tanu khat tawh ki teng hi. 1416 kumin, apiang Perugia leh Malatesles galkidona ah amah kimanin thong kia hi.
Tua pan a zi tawh kikhen aa, Franciscan congregation ah lut in abeisa hun aa anuntakna te apuahthak zawh nading leh Perugia khua-kim aa abawl khak mawhnate mawhnadan lohna in leeng khat angawngah kai-in Sakol tung tuangin pai hi. Kum 30 aphak hunin, Friar Miner Siampi sinna sangah lut a, Siampi sinnuam te a-uk Siampipa in John ii vocation a sitna in, akhauh mahmah lamlahna leh ze-et na tuamtuam pia hi.
John in tua te khempeuh upna leh kiniamkhiatna tawh thuak tentan hi. 1420 kumin, Siampi Ordination ngah a, ama Pasian thu tangko masakna ahi, Italy, Germany leh Hungary gamte ah minthang mahmah hi. 1456 kumin, Pope Callistus III ii thupiakna tawh Turks minam te tawh galkido ahi, Crusade galkap te kiangah pai-in Pasian thu tangko hi.
Turks minam te in Belgrate khua umcih in, Europe gam sungteng sim’ding a kiging hun laitak hi-in, John in Crusade galkap 70000 te, guallelhna pan gual zawhna angah kik zawh na dingun makaih hi. Kha 3 a sawt khit ciangin John in natna gilo khat ngahin tua natna tawh 1456 kum, October 23 ni-in, Illok khua-ah si hi.
Misiangtho John Capistrano aw….Kote adingin thu hong ngetsak in.
