Misiangtho Albert the great Pawini. (November – 15)
Misiangtho Albert the great in 1200 kumin, Jermany gam, Lauingen ah suak hi. Dominican zateih sangah lut in, Cologne ah lai hilh hi. St. Thomas Aquinas zong ama sangnaupang khat ahi hi. St. Thomas in “mihing te’ ngaihsutna in Pasian vangliatna zo ngeilo” cih thu pen, a siapa ahi Albert kiangpan angah ahi hi.
Albert in vantung tawh kisai pilna leh leitung tawh kisai pilna lian nei mikhat ahih manin “Universal Doctor” ci-in minthang hi. Amah in amau Congregation ii makaipi leh Rotisbon khua ii Siadaw hi a, lai gelhna leh lai hilhna te tawh ama nuntakna zang in, 1280 kumin Cologne ah si hi. Misiangtho Albert pen Scientists te leh zatui sia te a huh misiangtho hi.
Misiangtho Albert aw…Kote adingin thu hongngetsak in.
